Boʻtqani sifatli sariyogʻ buzmaydi

Sifatli tabiiy sariyogʻ — miya faoliyati, terini namlash va oziqlantirish, qon tomirlarini mustahkamlash, immunitet va boshqalar uchun zarur vitamin va minerallarning tabiiy manbai. Afsuski, koʻplab insofsiz ishlab chiqaruvchilar sariyogʻ niqobi ostida aslida sariyogʻ boʻlmagan mahsulotni sotishga urinadi. Qanday qilib toʻgʻri tanlash mumkin?

Birinchi navbatda eʼtibor berish kerak boʻlgan narsa — sariyogʻning GOST (Rossiya standarti) raqami: R 52969-2008 yoki 32261-2013, shuningdek, faqat uchta zavod ishlab chiqaradigan haqiqiy Vologda sariyogʻi — R 52253-2004.

Qadoqdagi «Sariyogʻ» degan yozuvni koʻrishning oʻzi yetarli emas: agar GOSTga qarab, R 52178-2003 ni koʻrsangiz — bilingki, qarshingizda margarin.

GOSTdan tashqari TU (texnik shartlar) ham bor, bu holda qadoqda STR qisqartmasi — «texnik reglamentga muvofiqlik» — boʻlishi kerak.

Sifatli sariyogʻ: butun sut va qaymoq, baʼzan tuz.

Margarin: oʻsimlik moylari (yeryongʻoq, palma, kokos moyi) yoki «sut yogʻlari oʻrnini bosuvchi» degan sirli nomga ega qandaydir ingredient.

Folgali qogʻozga oʻralgan sariyogʻni tanlashni maslahat beramiz, chunki u mahsulotni vitaminlarni parchalaydigan quyosh nuri taʼsiridan himoya qiladi.

Va nihoyat, yaroqlilik muddati: tabiiy mahsulotda u 1 oydan oshmasligi kerak.

Xaridlaringiz yoqimli, mahsulotlaringiz sifatli boʻlsin!